ایف بی آر کا چھاپہ، فیکٹری سے کروڑوں مالیت کی جعلی سگریٹ، مشینری و خام مال برآمد

بفہ،ایبٹ آباد (نمائندہ جنگ+نمائندہ خصوصی)ایف بی آر کا جابہ ملک پور میں سگریٹ ساز کارخانہ پر چھاپہ ، جعلی سگریٹ فیکٹری پکڑی کر مشینری تلف کرنے کا فیصلہ ۔گزشتہ روز فیڈرل بورڈ آف ریونیو (FBR) کی ٹیم نے جابہ ملک پور میں حجرے پر چھاپہ مار کر جعلی سگریٹ تیار کرنے والی فیکٹری پکڑی، کارروائی کے دوران کروڑوں روپے مالیت کی سگریٹ سازی کی مشینری ، خام مال اور بڑی مقدار میں تیار شدہ سگریٹ قبضے میں لے لئے ،اس ضمن میں بتایا گیا کہ آپریشن ایڈیشنل کمشنر سید زبیر شاہ اور اسسٹنٹ کمشنر عمر خالد کی ہدایات پر کیا گیا ۔ کارروائی میں انسپکٹر عثمان ، انسپکٹر علی آصف ، سپرنٹنڈنٹ لقمان اور فہد شہزاد نے نفری کے ہمراہ دن بھر سرچ آپریشن جاری رکھا۔ حجرہ کے مالک امجد سالار کے مطابق اس نے جگہ کرائے پر دے رکھی ہے اور اسے اس میں جاری سرگرمیوں کا علم نہیں تھا۔ حکام نے اس بیان کی بھی قانونی جانچ شروع کر دی ہے۔