تاریخی بابری مسجد کو ظلم اور جنون کے ساتھ منہدم کیا گیا ، پاکستان

اسلام آباد(اے پی پی)پاکستان نے بھارتی ریاستی ملی بھگت سے بی جے پی اور آر ایس ایس غنڈوں کے ہاتھوں تاریخی بابری مسجد کے انہدام کی 29ویں برسی کے موقع پر کہا کہ یہ دن ہندوستان میں مسلمانوں اور ان کے ورثے کے خلاف ریاستی سرپرستی میں اقلیتوں کیساتھ تعصب اور نفرت کی یاد دلاتا ہے۔ ترجمان دفتر خارجہ نے کہا کہ دل دہلا دینے والے مناظر آج بھی تازہ ہیں، بھارت دوبارہ مسجد تعمیر کرے۔