اسلام آبا د ، 9وارداتیں، عوام لاکھوں نقدی اورقیمتی اشیا ء سےمحروم

اسلام آباد (خصوصی نامہ نگار) وفاقی دارالحکومت میں سرقہ بالجبر ، نقب زنی اور چوری کی 9 وارداتوں میں لاکھوں کی نقدی زیورات اور دیگر قیمتی اشیاء کے علاؤہ ایک کار اور 4موٹر سائیکل اڑا لئے گئے، اسلحہ کی نوک پر تھانہ کوہسار اور تھانہ انڈسٹریل ایریا میں موبائل فونز اور نقدی چھین لی گئی ،تھانہ شالیمار اور تھانہ کھنہ کے علاقے میں دو گھروں کے تالے ٹوٹ کر چور جمع پونجی لے گئے، کار چوری کا مقدمہ تھانہ بھارہ کہو جبکہ موٹر سائیکل چوری کے مقدمات تھانہ کراچی کمپنی، تھانہ شالیمار، تھانہ انڈسٹریل ایریا اور تھانہ کورال میں درج کروائے گئے۔