انجمن تاجران چوک بی سی جی کا تجاوزات مافیا کے خلاف کارروائی کا مطالبہ

ملتان (سٹاف رپورٹر) انجمن تاجران چوک بی سی جی کے سینئر نائب صدر جام اکبر حسین، سربراہ اعلیٰ مہر نواز، جنرل سیکرٹری شیخ شبیر احمد، نذیر گرمانی، شیخ کلیم اور ملک وحید نے میڈیاسےگفتگو کرتے ہو ئےکہا ہے کہ چوک بی سی جی پر تجاوزات مافیا کا قبضہ ہے، پارک کے چاروں اطراف سے جنگلے غائب ہو چکے ہیں اور غلہ منڈی کی طرف جاتے ہوئے چوک کے پاس ایک گڑھا بنا ہوا ہے جس کی وجہ سے اکثر اوقات رات کو حادثات پیش آتے ہیں، ہم کمشنر ملتان سے مطالبہ کرتے ہیں کہ اس روڈ کو درست کیا جائے اور قبضہ مافیا سے اس جگہ کو بھی خالی کرایا جائے جو ریڑھی مافیا نے قبضے میں کیا ہواہے اور چوک بی سی جی کو خوبصورت بنایا جائے۔