شجاع آباد، نوسر باز پیرا فورس کے نام پر رقم ہتھیانے لگے

شجاع آباد (نامہ نگار ) نوسر باز پیرا فورس کے نام پر رقم ہتھیانے لگے،تفصیل کے مطابق شجاع آباد میں نعمان سمیت اینٹوں کے بھٹے والوں کو گزشتہ روز خود کو پیرا فورس کا اہلکار ظاہر کرکے پیسے مانگنے والے کے خلاف سوشل میڈیا پر تفصیلات ڈال کر آگاہ کیا گیا، اپنانام ذیشان بتانے والا خود کو نہ صرف پیرا فورس کا سب انسپکٹر کہتا ہے بلکہ اس نے وٹس ایپ آئی ڈی پر پیرا فورس کی وردی میں ملبوس شخص کی تصویر بھی لگائی ہوئی ہے، اس واقعہ سے شہریوں میں تشویش کی لہر دوڑ گئی اور سماجی حلقوں نے متعلقہ اداروں سے ایسے سماج دشمن عناصر کے خلاف کارروائی کا مطالبہ کیا ہے ۔