مولانا فضل الرحمٰن عمرہ کی ادائیگی کیلئے سعودی عرب روانہ

اسلام آباد (نمائندہ خصوصی، محمد صالح ظافر) جمعیت علمائے اسلام (ف) کے سربراہ مولانا فضل الرحمان اتوار کی رات گئے عمرہ کی سعادت حاصل کرنے کیلئے سعودی عرب روانہ ہو گئے ہیں۔ جے یو آئی ذرائع کے مطابق مولانا فضل الرحمٰن کے اس سفرِ سعادت میں ان کے اہل خانہ بھی ان کے ہمراہ ہیں۔ذرائع کا کہنا ہے کہ جے یو آئی سربراہ پیر کے روز مدینہ منورہ پہنچیں گے، جہاں روضہ رسول ﷺ پر حاضری کے بعد وہ مکہ مکرمہ روانہ ہوں گے اور عمرہ ادا کریں گے۔ وہ مجموعی طور پر دو ہفتے مملکت میں قیام کریں گے۔