ایلون مسک بمقابلہ جیف بیزوس:ارب پتیوں کی چاند کے لیے نئی جنگ

کراچی (نیوز ڈیسک) ایلون مسک بمقابلہ جیف بیزوس، ارب پتیوں کی چاند کے لیے نئی جنگ، دونوں اپنی اپنی کمپنیوں کے ذریعے چاند پر انسانی قیام اور بنیادی ڈھانچہ قائم کرنیکی دوڑ میں ہیں۔ مسک کا فوکس چاند پر خود رو شہر، بیزوس نے خلائی سیاحت روک کر بلو مون پروگرام پر توجہ مرکوز کرلی۔ وال اسٹریٹ جرنل کے مطابق امریکی ارب پتی ایلون مسک اور جِیف بیزوس کے درمیان خلائی مقابلہ اب چاند پر مرکوز ہو گیا ہے، جس میں دونوں اپنی اپنی کمپنیوں اسپیس ایکس اور بلو اویجن کے ذریعے چاند پر انسانی قیام اور بنیادی ڈھانچہ قائم کرنے کی دوڑ میں ہیں۔ مسک نے مریخ کے بجائے چاند پر “خود بڑھنے والا شہر” بنانے پر توجہ دی ہے، جبکہ بیزوس نے اپنی خلائی سیاحت کی منصوبہ بندی عارضی طور پر روک کر بلو مون پروگرام پر وسائل مرکوز کر دیے ہیں۔