صوبائی مینجمنٹ سروس (پی ایم ایس) آفیسرز ایسوسی ایشن پنجاب کے انتخابات

اسلام آ باد ( نیوز رپورٹر) صوبائی مینجمنٹ سروس (پی ایم ایس) آفیسرز ایسوسی ایشن پنجاب کے انتخابات 2026 کے نتائج کا اعلان کر دیا گیا، الیکشن کمیشن، پی ایم ایس آفیسرز ایسوسی ایشن پنجاب کی جانب سے جاری اعلامیہ میں “ڈگنٹی اینڈ جسٹس پینل” کو کامیاب قرار دیا گیا ہے،نوٹیفکیشن کے مطابق یہ اعلان آرٹیکل 35 (b) آف میمورنڈم آف ایسوسی ایشن اور متعلقہ اختیارات کے تحت کیا گیا، الیکشن کمشنر پی ایم ایس او اے اور ایڈیشنل سیکریٹری (پراسیکیوشن) پبلک پراسیکیوشن ڈیپارٹمنٹ، فاروق صدیق (پی ایم ایس) نے کامیاب پینل کو ایسوسی ایشن کے جنرل عہدوں کیلئے منتخب نمائندہ پینل کے طور پر نوٹیفائی کیا، جاری کردہ فہرست کے مطابق منتخب عہدیداران میں صدر کی نشست پر قمر الزمان قیصرانی کامیاب قرار پائے ہیں جبکہ سینئر نائب صدر کاشف رضا اعوان، جنرل سیکرٹری مصور نیازی، جوائنٹ سیکرٹری حسن نذیر، سیکریٹری اطلاعات و ثقافت عامر بٹ، سیکریٹری فنانس و ویلفیئر عفت النساء،سیکریٹری قانونی امور فرخ محمود منتخب ہوئے ہیں۔