رمضان دستر خوان ، ضلعی انتظامیہ کا اجازت نامہ لازمی قرار

اسلام آباد (ایوب ناصر ، خصوصی نامہ نگار) رمضان المبارک کے دوران وفاقی دارالحکومت میں شاہراہوں پر دسترخوان لگانے کیلئے ضلعی انتظامیہ سے رجسٹریشن لازمی قرار دے دی گئی ، دستر خوان لگانے کے خواہشمند افراد مکمل تفصیلات کے ساتھ درخواست جمع کروا سکتے ہیں، جس پر ضلعی انتظامیہ جگہ کی نشاندہی، سیکورٹی سمیت دیگر سہولیات کی فراہمی یقینی بنائے گی، خواہشمند حضرات اپنے شناختی کوائف اور جگہ کی تفصیلات جمع کروا سکتے ہیں، شہر بھر سے 18 درخواستیں اب تک موصول ہوئی ہیں، اسسٹنٹ کمشنرز کے جگہ کا معائنہ کرنے کے بعد اجازت نامہ جاری کیا جائے گا، بغیر رجسٹریشن عوامی دستر خوان لگانے کی اجازت نہیں ہوگی۔