پولیس بیورو کریسی کیلئے اہم خبر،کیپٹن (ر) لیاقت علی آئی جی پو لیس آزاد کشمیر تعینات

اسلام آ باد ( رانا غلام قادر)پولیس بیورو کریسی کیلئے اہم خبر ہے کہ وفاقی حکومت نے آئی جی پولیس آزاد کشمیر حکومت رانا عبد الجبار کو تبدیل کردیا ہے۔ انہیں اسٹیبلشمنٹ ڈویژن رپورٹ کرنے کی ہدایت کی گئی ہے۔کیپٹن (ر) لیاقت علی کو آزاد کشمیر پولیس کا نیاآئی جی تعینات کر دیا گیا۔ ان کی تقرری سول سرونٹس ایکٹ 1973کے سیکشن 10 کے تحت ی گئی ہے۔ پولیس سروس کےگریڈ 20 کے افسر کیپٹن (ر) لیاقت علی ملک پنجاب حکومت میں خدمات سر انجام دے رہے تھے۔ تبدیل کئے گئے آئی جی پولیس آزاد کشمیر حکومت رانا عبدالجبار اس وقت نیشنل مینجمنٹ کورس میں مصروف ہیں۔ اسٹیبلشمنٹ ڈویژن نے آئی جی پولیس آزاد کشمیر حکومت کے تقرر و تبادلے کا باضابطہ نوٹیفکیشن جاری کر دیا ہے۔ یاد رہے کہ روزنامہ جنگ کیپٹن (ر) لیاقت علی کو آزاد کشمیر پولیس کا آئی جی تعینات کرنے کے فیصلہ کی خبر ہفتہ کے روز شائع کرچکا ہے۔