بنگلہ دیش حلف برداری‘ وزیراعظم شہباز شریف شرکت نہیں کریں گےاسپیکر ایاز صادق جائیں گے

اسلام آ باد ( رانا غلام قادر)بنگلہ دیش کی نئی کابینہ کی حلف برداری 17فروری کو ڈھاکہ میں ہو ہوگی۔ ذ رائع کے مطا بق وزیر اعظم پاکستان کو بنگلہ دیشی حکومت کی طرف سےتقریب حلف برداری میں شرکت کا دعوت نامہ موصول ہوگیا ہے۔ ذرائع کے مطا بق وزیر اعظم پاکستان شہباز شریف بنگلہ دیش کی تقریب حلف برداری میں شرکت نہیں کریں گے۔ وزیر اعظم آسٹرین چانسلر کی دعوت پر پہلے سے طے شدہ دورے دورے پر آسٹریا ویانا گئے ہوئے ہیں۔اعلی سطح وفد تقریب حلف برداری میں وزیراعظم اور پاکستان کی نمائندگی کرے گا۔پروفیسر محمد یونس نے 13 ممالک کے سربراہانِ حکومت کو دعوت دے دی ہے۔ذرائع کے مطا بق اسپیکر قومی اسمبلی سردار ایاز،صادق بنگلہ دیش کی نئی کابینہ کی حلف برداری میں شرکت کریں گے۔ان کے ہمراہ پاکستان کا اعلی سطح وفد تقریب حلف برداری میں شریک ہوگا۔