مارکو روبیو کی تقریر یورپ کے نام زہریلا محبت نامہ تھا، ممبر یورپی پارلیمنٹ

کراچی (نیوز ڈیسک)یورپی پارلیمان کی سکیورٹی اور دفاعی کمیٹی کی سربراہ ماری آگنس اشٹراک سمرمان نے امریکی وزیرِ خارجہ مارکو روبیو کی میونخ سکیورٹی کانفرنس میں کی گئی تقریر کو یورپ کے نام زہریلا محبت نامہ قرار دیا ہے۔ ان کے مطابق امریکی وزری خارجہ کے خطاب میں تعاون سے زیادہ دوریاں نمایاں تھیں۔اشٹراک سمرمان نے کہا کہ روبیو نے کانفرنس میں نرم لہجے کااستعمال ضرور کیا لیکن ان کی گفتگو کا بنیادی پیغام یہی رہا کہ یورپ اپنا کام کرے اور امریکہ اپنا۔ انہوں نے نشاندہی کی کہ روبیو کی تقریر میں نیٹو کے آرٹیکل پانچ، جمہوری اقدار اور یوکرین کے بارے میں واضح پوزیشن جیسے موضوعات کا فقدان تھا۔یوکرین پر گفتگو کرتے ہوئے انہوں نے متنبہ کیا، جہاں سب سے زیادہ ضرورت ہے، وہاں یورپ خود غیر حاضر ہے۔ ان کا کہنا تھا کہ مذاکرات کی میز پر جگہ حاصل کرنے کے لیے یورپ کو سرگرم کردار ادا کرنا ہوگا کیونکہ امریکہ اس معاملے میں غیر جانب دار ثالث نہیں۔