کراچی میں کل گرج چمک کے ساتھ بارش کا امکان

کراچی(آئی این پی )محکمہ موسمیات نے ایک مغربی لہر کے زیر اثر کراچی میں گرج چمک کے ساتھ بارش کی پیشگوئی کی ہے۔سسٹم کے زیر اثر کراچی میں17فروری کو گرج چمک کیساتھ بارش کا امکان ہے جبکہ بارش کے ساتھ معمول سے تیز گردآلود ہوائیں چلنے کا بھی امکان ہے۔محکمہ موسمیات کے مطابق ایک مغربی لہر آج 16 فروری کو ملک کے مغربی حصوں تک پہنچ سکتی ہے۔کراچی میں کل بھی دھند چھانے کے سبب حد نگاہ متاثر ہو سکتی ہے۔دادو، حیدرآباد، ٹھٹھہ، بدین، جامشورو، لاڑکانہ، جیکب آباد اور خیرپور کراچی ڈویژن میں 16 سے 17 فروری شام/رات میں گرج چمک کے ساتھ بارش کا امکان ہے۔صوبے کے بیشتر علاقوں میں ٹھنڈی رات کے ساتھ موسم خشک رہنے کا امکان ہے۔