ہاکی ٹیم کی کل وطن واپسی

کراچی (اسٹاف رپورٹر) پرو ہاکی لیگ کے دوسرے مرحلے میں شرکت کے بعد قومی ہاکی ٹیم منگل کو آسٹریلیا سے وطن واپس پہنچے گی، پہلے اور دوسرے مرحلے کے 8 میچوں میں ٹیم کو شکست ہوئی ۔ قومی ٹیم ورلڈ کپ کوالیفائر کیلئے 24فروری کو مصر روانہ ہوگی ۔ ایف آئی ایچ ورلڈکپ اسی سال جرمنی اور نیدر لینڈ میں منعقد ہوگا۔ پاکستان ہاکی ٹیم نے 1971 میں بارسلونا ( اسپین )، 1978 میں بیونس آئرس (ارجنٹائن )، 1982 میں بھارت کے شہر ممبئی اور 1994 میں آخری بار اولمپئن شہباز سینئر کی قیادت میں سڈنی ( آسٹریلیا) میں ورلڈکپ جیتا تھا۔