خاران میں زلزلے کے جھٹکے، شہری کلمہ کا ورد کرتے ہوئے گھروں سے نکل آئے

کوئٹہ (آئی این پی ) خاران میں زلزلے کے جھٹکے، خوفزدہ شہری کلمہ طیبہ کا ورد کرتے ہوئے گھروں سے نکل آئے،ریکٹر اسکیل پر زلزلے کی شدت 3.6 ریکارڈ کی گئی ،مرکز خاران شہر سے 43 کلومیٹر دور جنوب مغرب میں تھا۔خوش قسمتی سے کسی جانی یا مالی نقصان کی اطلاع موصول نہیں ہوئی،جنوب مغربی علاقوں میں بھی ہلکے جھٹکے محسوس کیے گئے ۔بلوچستان کے ضلع خاران اور اس کے جنوب مغربی علاقوں میں زلزلے کے جھٹکے محسوس کئے گئے ،جس کے باعث لوگوں میں خوف و ہراس پھیل گیا۔