کل بھی کراچی صوبہ کی بات کی گئی، انہیں کہتا ہوں چپ کرکے بیٹھ جائو ، وزیر اعلیٰ سندھ

کراچی (نمائندہ جنگ/نیوز ایجنسی)وزیر اعلیٰ سندھ مراد علی شاہ نے کہا ہےکہ پا کستان صوبہ سندھ نے بنایا ، اگر سندھ توڑنا چاہتے ہیں تو آپ پاکستان سے مخلص نہیں، بوری بند لاشیں دینے والوں کو کراچی سے کھلواڑ کا اختیار نہیں ملے گا۔ کل بھی کراچی صوبہ کی بات کی گئی،صوبہ بنانے کی بات کرنے والوں سے کہتا ہوں چپ کرکے بیٹھ جاؤ سندھ متحد رہے گا، گلی میں گٹر کے ڈھکن لگانا وزیراعظم کا کام نہیں، وفاق ہمیں پیسے دے ہم بلدیاتی اداروں کے ذریعے کام کرائیں گے۔ تفصیلات کے مطابق اتوار کو کراچی کے علاقے ملیر میں لانڈھی بھینس کالونی،ایکسپورٹ پروسسنگ زون اور دیگر علاقوں کو ملانے کے لئے ریلوے لائن پر خالدبن ولید فلائی اوورکا افتتاح کرتے ہوئےوزیر اعلیٰ سندھ مراد علی شاہ نے کہا کہ کل بھی کچھ لوگوں نے صوبہ بنانے کی بات کی ہے۔