پی کے ایل آئی میں عوام کو جگر اور گردوں کے علاج کی جدید سہولت میسر آئی، احسن اقبال

لاہور ( جنرل رپورٹر ) پاکستان کڈنی اینڈ لیور انسٹی ٹیوٹ ( پی کے ایل آئی) کے زیر اہتمام گزشتہ روز دو روزہ سمپوزیم کے اختتام پر گالا ڈنر کا اہتمام کیا گیا جس میں وفاقی وزیربرائے پلاننگ اینڈ ڈویلپمنٹ احسن اقبال اور صوبائی وزیر صحت خواجہ سلمان رفیق نے خصوصی طور پر شرکت کی جبکہ سمپوزیم کے دیگر شرکاء نے بھی تقریب میں شرکت کر کے اس موقع پر خطاب کرتے ہوئے وفاقی وزیر احسن اقبال نے کہا کہ پی کے ایل آئی نے ٹرانسپلانٹ کے میدان میں شاندار رجحانات کو متعارف کرایاہے میاں شہباز شریف پی کے ایل آئی کا قیام عمل میں لائے تھے جس سے عوام کو جدید طریقوں کے مطابق گردوں اور جگر کا علاج اور ٹرانسپلانٹ کی سہولت میسر آئی جبکہ پروفیسر سعید اختر اور ان کی ٹیم نے پی کے ایل آئی کو کامیابی سے ہمکنار کروایا انہوں نے کہا کہ ٹرانسپلانٹ کا مرحلہ ایک پیچیدہ مرحلہ ہوتا ہے مگر پی کے ایل آئی اسے احسن انداز میں نبھا رہا ہے انہوں نے کہا کہ پی کے ایل آئی سمپوزیم سے بین الاقوامی سطح کی ہیلتھ کیئر ریسرچ کا ایکسچینج ہوا ہے وفاقی حکومت نے ہیپاٹائٹس سی کے خاتمے کا تہیہ کر رکھا ہے ۔