روسی خام تیل کی 7 لاکھ 33 ہزار بیرل کھیپ جلد پورٹ قاسم پہنچنے کا امکان، روسی میڈیا

کراچی (نیوز ڈیسک) روسی میڈیا ک کہنا ہے رشین خام تیل کی 7 لاکھ 33 ہزار بیرل کھیپ جلد پورٹ قاسم پہنچنے کا امکان ہے۔ توانائی ماہر ڈاکٹر ممدوح سلامہ نے بتایا کہ آبنائے ہرمز بحران کے دوران روسی تیل پاکستان کے لیے ریلیف بن سکتا ہے۔ کھیپ ایسے وقت میں پہنچ رہی ہے جب عالمی منڈی میں تیل کی سپلائی اور قیمتوں کے حوالے سے غیر یقینی صورتحال بڑھ رہی ہے۔ روسی خام تیل پاکستان کی سپلائی میں مددگار ہوگا۔ عالمی منڈی میں خام تیل کی قیمت 100 ڈالر فی بیرل تک پہنچ گئی تو پاکستان کا سالانہ کرنٹ اکاؤنٹ خسارہ مزید 5 سے 7 ارب ڈالر تک بڑھ سکتا ہے۔