اسسٹنٹ کمشنر کبیروالا کی زیر صدارت محکمہ انہار کے افسران کا اجلاس

کبیر والا (نامہ نگار) اسسٹنٹ کمشنر کبیروالا رانا عامر لیاقت کی زیر صدارت محکمہ انہار کے ایس ڈی اوز، ریونیو افسران اور قانونگوئوںکا اجلاس منعقد ہوا جس میں ای آبیانہ، ریکوری بہتر بنانے اور بلوں میں موجود غلطیوں کی فوری درستگی کا جائزہ لیا گیا، اجلاس میں نشاندہی کی گئی کہ بعض بلوں میں زمین کی تفصیلات، مالکان کے کوائف، رقبہ اور رقم سے متعلق غلطیاں موجود ہیں، جن کی وجہ سے کاشتکاروں کو ادائیگی میں مشکلات اور ریکوری کے عمل میں رکاوٹ پیش آ رہی ہے۔ محکمہ انہار کے افسران نے یقین دہانی کرائی کہ تمام خامیوں کو جلد درست کیا جائے گا۔