چوری و ڈکیتی کی متعدد وارداتوں میں شہری نقدی اور قیمتی سامان سے محروم ہوگئے

ملتان (سٹاف رپورٹر) چوری و ڈکیتی کی متعدد وارداتوں میں شہری نقدی اورقیمتی سامان سے محروم ہوگئے، تفصیلات کے مطابق تھانہ نیو ملتان کے علاقہ میں سلیم سے مسلح افراد نےپانچ لاکھ روپےاور موٹر سائیکل چھین لیا، تھانہ بستی ملوک کے علاقہ میں نامعلوم افراد عمران کے گھر سے 6 تولہ سونا لے کر فرار ہو گئے،تھانہ دولت گیٹ کے علاقہ میں مسلح افراد نے فیصل سے نقدی چھین لی، تھانہ کینٹ کے علاقہ میں شاہد کا موٹر سائیکل جب کہ اظہر شہزاد اور عمران کے موبائل فونز چوری ہوگئے، تھانہ چہلیک کے علاقے میں عمران کا موبائل فون چوری ہوگیا، تھانہ مظفر آباد کے علاقہ میں غفار سے مسلح افراد نے نقدی چھین لی، اسی تھانے کی حدود میں سجاد سے نقدی اور رشید کے جانور چوری کر لیے گئے، تھانہ قطب پور کے علاقہ میںعلی سے نقدی چھین لی گئی،تھانہ ممتاز آباد کے علاقہ میں احمد اور شفیق کے موبائل فون چوری کرلیے گیے، تھانہ ممتاز آباد کے علاقہ میںسفیان کے گھر سے سامان چوری کرلیا گیا، تھانہ گلگشت کے علاقہ میں صفدر کا موٹر سائیکل جب کہ شکیل کا موبائل فون چوری کرلیاگیا،سردار چوک سے اویس کی کار چوری کرلی گئی، تھانہ کوتوالی کے علاقہ میں فیصل کے گھر سے متفرق سامان چوری کرلیا گیا، تھانہ صدر کے علاقہ میںحبیب کے گھر سے سامان چوری کر کیاگیا۔