مسلم لیگ ن مینارٹی ونگ ضلع وہاڑی کے زیر اہتمام یوتھ کانفرنس کا انعقاد

وہاڑی(نمائندہ جنگ) مسلم لیگ ن مینارٹی ونگ ضلع وہاڑی کے زیر اہتمام سینٹ پیٹرز کیتھولک چرچ کے ہال میں مینارٹی ونگ یوتھ کانفرنس کا انعقاد کیا گیا جس میں مسیحی نوجوانوں اور خواتین نے کثیر تعداد میں شرکت کی، کانفرنس کے مہمانانخصوصی فادر عامر شہزاد، ڈی ایس پی صدر سرکل محمد رضوان خان، ایم پی اے وہاڑی میاں ثاقب خورشید کی نمائندگی کرتے ہوئے میاں نیرب خورشید، مسیحی رہنما ماسٹر ریاض مسیح، ماسٹر مستنصر خاور، پادری ریاض اور سرفراز راجہ تھے، کانفرنس سے خطاب کرتے ہوئے ڈی ایس پی صدر سرکل محمد رضوان خان نے کہا کہ ہم ہر پلیٹ فارم پر مسیحی برادری کے شانہ بشانہ کھڑے ہیں اور ان کے تحفظ اور حقوق کے لیے بھرپور کردار ادا کرتے رہیں گے،میاں نیرب خورشید نے اپنے خطاب میں کہا کہ مسیحی برادری ہمارے بھائی ہیں اور ہم سب ایک ہی جھنڈے کے نیچے متحد ہیں،تقریب کے اختتام پر کانفرنس کے انعقاد میں خصوصی کاوشوں پر مسیحی سیاسی و سماجی شخصیت چوہدری آشر غوری، بادل اے ڈی، قیصر پرویز، شہباز بھٹی، افتخار اسلم، دانش اقبال، ذیشان، روبن پیٹر، عظیم طارق، آشر ہاشم، نعمان عمانوئیل، آکاش سہوترا، آکاش سونو اور گلریز ناصر کو خراج تحسین پیش کیا گیا۔