سعودی عرب میں جسم فروشی میں ملوث 3خواتین پاکستان پہنچنے پر گرفتار

کراچی( ثاقب صغیر )سعودی عرب میں جسم فروشی میں ملوث 3خواتین کو پاکستان پہنچنے پر حراست میں لے لیا گیا۔ایف آئی اے امیگریشن کے مطابق معمول کی امیگریشن کلیئرنس کے دوران خواتین کو مشکوک ہونے پر روکا گیا۔ابتدائی پوچھ گچھ میں خواتین نے جسم فروشی میں ملوث ہونے کا اعتراف کیا۔خاتون رضیہ زینب کو ایجنٹ شاہین نے ملازمت کا جھانسہ دے کر سعودی عرب بھجوایا جبکہ دیگر خواتین سونیا اور صدرہ بی بی کو ایجنٹ راشد نے بیرون ملک بھجوایا۔سعودی پولیس نے کارروائی کے دوران انہیں گرفتار کیا اور سزا مکمل ہونے کے بعد انہیں پاکستان ڈی پورٹ کر دیا گیا۔خواتین کو مزید کارروائی کیلئے ایف آئی اے اے انسداد انسانی اسمگلنگ سرکل کراچی کے حوالے کر دیا گیا ہے۔