ٹرمپ کا وعدہ ،اقتصادی ترقی جنگ کے اخراجات سے ٹکرا گئی

کراچی (نیوز ڈیسک) صدر ٹرمپ کا وعدہ کردہ اقتصادی بوم جنگ کے اخراجات سے ٹکرا گیا۔ ایران جنگ کا امریکی معیشت پر دباؤ، تیل قیمتوں اور مہنگائی میں اضافہ، مارکیٹ میں عدم استحکام اور صارفین کا اعتماد متاثر ہوا۔ نیویارک ٹائمز کے مطابق صدر ڈونلڈ ٹرمپ نے 2026 میں امریکی معیشت کی نمو اور خاندانوں کی بہتر مالی حالت کا تصور پیش کیا تھا، لیکن ایران کے خلاف جاری جنگ نے اس منظرنامے کو شدید خطرے میں ڈال دیا ہے۔ جنگ کے آغاز کے بعد عالمی توانائی منڈیوں میں ہلچل پیدا ہوگئی ہے، خاص طور پر اسٹرائٹ آف ہرمز میں تیل کی سپلائی متاثر ہونے سے قیمتیں بلند ہوگئیں، جس سے عام صارفین اور کاروباری اداروں پر مہنگائی کا دباؤ بڑھ گیا ہے۔ امریکی حکومت کے اندازوں کے مطابق جنگ کے ابتدائی چھ دنوں میں اخراجات 11 ارب ڈالر سے زائد ہوچکے ہیں، اور طویل مدتی ترقی کے امکانات پر بھی منفی اثر پڑ رہا ہے۔