قوم فیلڈ مارشل عاصم منیر کے شانہ بشانہ کھڑی ہے، سردار راشد الیاس

اسلام آباد (کامرس رپورٹر) اسلام آباد ڈویلپرز ایسوسی ایشن کے رہنما ڈاکٹر سردار راشد الیاس خان نے کہا ہے کہ قوم فیلڈ مارشل عاصم منیر کے شانہ بشانہ کھڑی ہے،آج پاکستان کو اقوام عالم میں نمایاں مقام حاصل ہے ، 23مارچ کا دن ہمیں اس عظیم جدوجہد کے آغاز کی یاد دلاتا ہے جس کے نتیجے میں ایک آزاد خود مختار مسلمان ریاست معرض وجود میں آئی، آج فیلڈ مارشل سید عاصم منیر اس مملکت خداداد کے تحفظ، دفاع اور ترقی کیلئے بے مثال کاوشیں کر رہے ہیں، یوم پاکستان کے موقع پر ایک بیان میں سردار راشد الیاس نے کہا کہ ملکی دفاع، ترقی و خوشحالی کے لئے کاروباری برادری اور پوری قوم فیلڈمارشل سید عاصم منیر کے شانہ بشانہ کھڑی ہے۔ آج فیلڈ مارشل کی بصیرت اور ولولہ انگیز قیادت کی بدولت پاکستان کو اقوام عالم میں نمایاں مقام حاصل ہے اور دنیا فیلڈ مارشل کی صلاحیتوں کی معترف ہے۔ انہوں نے کہا کہ موجودہ علاقائی اور عالمی صورتحال میں پاکستان کا کردار نہایت اہم ہے اور موجودہ ملکی قیادت کے وطن عزیز کے دفاع اور سالمیت کے حوالے سے فیصلے قیام پاکستان کے مقاصد کی تکمیل کی طرف تاریخی قدم ہے۔