کلر سیداں،تین منزلہ عمارت سے گر کر محنت کش جاں بحق ہو گیا

کلر سیداں(نمائندہ جنگ) 36 سالہ محنت کش زیر تعمیر تین منزلہ عمارت سے گر کر جاں بحق ہو گیا۔ رازق نامی مزدور کلر سیداں کے نواحی صادق آباد میں زیر تعمیر تین منزلہ عمارت میں شٹرنگ کا کام کر رہا تھا کہ اسی دوران شٹرنگ ٹوٹنے سے وہ نیچے آ گر اور شدید زخمی ہو گیا جسے ٹی ایچ کیو ہسپتال کلر سیداں سے راولپنڈی ہسپتال منتقل کر دیا گیا جہاں وہ ایک ہفتہ موت و حیات کی کشمکش میں رہنے کے بعد زندگی کی بازی ہار گیا۔ متوفی کو ایم سی کلر سیداں کی حدود سروہا چوہدریاں میں سپرد خاک کر دیا گیا ہے۔