کوٹ رادھا کشن،شادی ہال کی دیوار گرنے کا واقعہ ،مزید 3بچے دم توڑ گئے

قصور،کوٹ رادھا کشن(نمائندہ جنگ،نامہ نگار) نواحی گاؤں شیخم میں شادی ہال کی دیوار گرنے کے افسوسناک واقعہ میں مزید 3بچے دم توڑ گئے اس طرح ملبے تلے دب کر جاں بحق بچوں کی تعداد 5 ہو گئی۔ دو روز قبل تھہ شیخم کے علاقے میں شادی کی تقریب کے دوران باراتیوں نے غفلت کا مظاہرہ کرتے ہوئے شادی ہال کی چھت پر چڑھ کر پیسے پھینکنے شروع کردیے اور نیچے عام لوگوں کے بچے پیسے اکٹھے کرنے لگے اس دوران شادی ہال کی چھت کے اوپر سے بوسیدہ دیوار نیچے گر گئی جس کے ملبے تلے دب کر سعید عرف صدی اور حسیب جاں بحق ہو چکے تھے جبکہ 4زخمی تھے ۔