گجرات،پولیس مقابلہ میں کانسٹیبل شہید ایک ڈاکو ہلاک ،دوسرافرار

گجرات (نمائندہ جنگ ) پولیس مقابلہ میں کانسٹیبل شہید ،ڈکیت ہلاک،تھانہ کڑیانوالہ کے گاؤں بہوچھ کے قریب دو ڈکیت شہریوں سے ناکہ لگا کر لوٹ مارکر رہے تھے، کانسٹیبل عمر آفتاب اور تصدق معمول کی گشت پر جا رہے تھے کہ ملزمان نے ان کو اپنی طرف آتا دیکھ کر اندھا دھند فائرنگ کا سلسلہ شروع کر دیا فائرنگ کی زد میں آکر کانسٹیبل عمر آفتاب شہید ہو گیا اور ملزمان جنگل کی طرف فرار ہو گئے، اطلاع ملنے پرپولیس کی بھاری نفری نے ملزمان کا پیچھا کیا اور بہوچھ جنگل میں پولیس اور ڈاکوؤں کے درمیان فائرنگ کا سلسلہ دوبارہ شروع ہو گیا جس سے گاؤں ملک پور کا رہائشی عادل نامی ڈکیت بھی ہلاک ہو گیا جبکہ دوسرا ڈکیت فرار ہونے میں کامیاب ہو گیا۔