سعودیہ کی امریکاسے ہرمز ناکہ بندی ختم، ایران سے پھر مذاکرات کرنیکی اپیل

ریاض (نیوز ڈیسک) سعودیہ کی امریکاسے ہرمز ناکہ بندی ختم، ایران سے پھر مذاکرات کرنیکی اپیل، خدشہ ہے موجودہ کشیدگی مزید بڑھ کر باب المندب سمیت اہم سمندری تجارتی راستوں کو متاثر کر سکتی ہے۔ وال اسٹریٹ جرنل کی رپورٹ کے مطابق سعودی عرب نے امریکہ پر زور دیا ہے کہ وہ آبنائے ہرمز کی بحری ناکہ بندی ختم کرے اور ایران کے ساتھ دوبارہ مذاکرات کا راستہ اختیار کرے، کیونکہ خلیجی ممالک کو خدشہ ہے کہ موجودہ کشیدگی مزید بڑھ کر خطے کے اہم سمندری تجارتی راستوں کو متاثر کر سکتی ہے۔ عرب حکام کے مطابق سعودی قیادت نے خبردار کیا ہے کہ ایران ممکنہ طور پر جوابی کارروائی میں باب المندب جیسے اہم بحری راستے کو بند کر سکتا ہے، جو عالمی توانائی اور سعودی تیل کی ترسیل کے لیے انتہائی اہم سمجھا جاتا ہے، جس سے خطے میں توانائی کی سپلائی اور عالمی منڈیوں پر سنگین اثرات پڑ سکتے ہیں۔