معاہدہ پرکچھ نہیں کہہ سکتے البتہ ڈیل ہونے جارہی ہے،ماہر بین الاقوامی امور

کراچی (ٹی وی رپورٹ) ماہر بین الاقوامی امور کامران بخاری نے کہا ہے کہ معاہدہ پرکچھ نہیں کہہ سکتے البتہ ڈیل ہونے جارہی ہے، ملٹی لیول پر باتیں چل رہی ہیں فیلڈ مارشل، وزیراعظم، نائب وزیراعظم سب کا براہ راست رابطہ ہے۔ وہ جیو نیوز کے پروگرام ”آج شاہزیب خانزادہ کے ساتھ “ میں میزبان شاہزیب خانزادہ سے گفتگو کررہے تھے۔ تفصیلات کے مطابق پروگرام کے آغاز میں میزبان شاہزیب خانزادہ نےکہا کہ پاکستان کی کوششوں سے امریکہ و ایران کے درمیان جنگ بندی کے بعد مذاکرات کا سلسلہ اب بھی جاری ہے اور مستقل جنگ بندی سمیت نیوکلیئر ڈیل کے لئے کوششیں بھی جاری ہیں ۔