بھارت کیساتھ جنگ کے دوران پاکستان کو فضائی مدد فراہم کی ، چین کی تصدیق

کراچی (نیوز ڈیسک) چین نے تصدیق کی ہے کہ بھارت کے ساتھ جنگ کے دوران پاکستان کو فضائی مددفراہم کی ،چینی انجینئر کا انٹرویو میں کہنا تھا آپریشنل اور تکنیکی مدد فراہم کی گئی، چینی ساختہ طیارے کے ذریعے بھارتی رافیل مار گرایا گیا۔ سائوتھ چائنا مارننگ پوسٹ کے مطابق چین نے پہلی بار باضابطہ طور پر اس بات کی تصدیق کی ہے کہ گزشتہ سال بھارت کے ساتھ جنگ کے دوران اس نے پاکستان کی فضائیہ کو تکنیکی معاونت فراہم کی تھی۔ رپورٹ کے مطابق چین کے سرکاری ٹی وی نے ایک چینی ایوی ایشن انجینئر کا انٹرویو نشر کیا، جس میں بتایا گیا کہ چین نے جنگ کے دوران پاکستان کو آپریشنل اور تکنیکی مدد فراہم کی۔انٹرویو میں دعویٰ کیا گیا کہ اس تنازع کے دوران ایک چینی ساختہ لڑاکا طیارے نے بھارت کے فرانسیسی ساختہ رافیل طیارے کو مار گرایا۔ چین کی ایوی ایشن انڈسٹری سے وابستہ ماہرین کے مطابق یہ معاونت جنگی حالات میں پاکستان کی فضائی صلاحیت کو مضبوط بنانے کے لیے فراہم کی گئی تھی۔یہ انکشاف ایسے وقت میں سامنے آیا ہے جب جنوبی ایشیا میں دفاعی تعاون اور عسکری توازن پر پہلے ہی بحث جاری ہے، اور خطے کی بڑی طاقتوں کے درمیان اسٹریٹجک مقابلہ مزید تیز ہوتا جا رہا ہے۔