جنگ کے ایک سال بعد، ٹرمپ پاکستان تعلقات پر بھارت میں تشویش

کراچی (نیوز ڈیسک)پاک بھارت جنگ کے ایک سال بعد ٹرمپ پاکستان تعلقات پر بھارت میں تشویش ،نئی دہلی کا خیال ہے امریکی صدر کی پاکستان کیساتھ گرمجوشی سےخطے میں طاقت کا توازن تبدیل ہو رہا ہے۔بلومبر گ کی رپورٹ کے مطابق بھارت اور پاکستان کے درمیان گزشتہ سال جنگ بندی کے بعد خطے کی صورتحال ایک بار پھر سفارتی کشیدگی کی طرف بڑھتی دکھائی دے رہی ہے، جہاں بھارتی حکام کو اس بات پر تشویش ہے کہ امریکی صدر ڈونلڈ ٹرمپ کے پاکستان کے ساتھ بڑھتے ہوئے تعلقات اسلام آباد کو سفارتی سطح پر اضافی سہارا دے رہے ہیں۔ رپورٹ کے مطابق نئی دہلی میں پالیسی سازوں کا خیال ہے کہ ٹرمپ کی جانب سے پاکستان کے ساتھ گرمجوش تعلقات کے باعث خطے میں طاقت کا توازن تبدیل ہو رہا ہے، جس سے بھارت کی اسٹریٹجک پالیسی مزید پیچیدہ ہو گئی ہے۔ تجزیہ کاروں کے مطابق یہ صورتحال جنوبی ایشیا میں امریکا کے کردار اور علاقائی سفارت کاری پر نئے سوالات اٹھا رہی ہے، جبکہ بھارت اپنے روایتی اتحادی نظام میں ممکنہ تبدیلیوں پر نظر رکھے ہوئے ہے۔