وزیرداخلہ و چیئرمین پی سی بی 2روزہ دورے پر بنگلہ دیش پہنچ گئے

اسلام آباد ( نمائندہ خصوصی ) وزیرداخلہ و چئیرمین پی سی بی محسن نقوی 2 روزہ دورے پر بنگلہ دیش پہنچ گئے ائیر پورٹ پر بنگلہ دیش کے سیکرٹری خارجہ اسد عالم صائم ، سیکرٹری داخلہ ابو نعیم اور چیف ایگزیکٹو آفیسر بنگلہ دیش کرکٹ بورڈ ناظم الدین نے خیر مقدم کیا بنگلہ دیش میں پاکستان کے ہائی کمشنر عمران حیدر بھی اس موقع پر موجود تھے،ادھر وزیرداخلہ محسن نقوی نے سابق بنگلہ دیشی وزیر اعظم خالدہ ضیاء مرحومہ کی قبر پر حاضری دی اور پھول چڑھائے۔جمعہ کو وزارت داخلہ سے جاری بیان کےمطابق وزیر داخلہ محسن نقوی نے بیگم خالدہ ضیا ءکی روح کے ایصال ثواب کیلئے فاتحہ خوانی کی،انہوں نے سابق وزیر اعظم بیگم خالدہ ضیاء کی بنگلہ دیش اور عوام کے خدمات کو خراج عقیدت پیش کیا اور کہاکہ بیگم خالدہ ضیاء کی سیاسی و عوامی خدمات ہمیشہ یاد رکھی جائیں گی۔