وزیراعلیٰ مریم نواز کل معرکہ حق سکوائر منصوبے کا افتتاح کرینگی

اسلام آباد (ساجد چوہدری )وزیراعلٰی پنجاب مریم نواز شریف راولپنڈی کچہری چوک ری ماڈلنگ منصوبے (معرکہ حق سکوائر ) کا افتتاح (کل)اتوار کو کرینگی ،کچہری چوک ری ماڈلنگ منصوبہ کا نیا نام معرکہ حق سکوائر رکھا گیا ، منصوبے پر 20ارب روپے سے زیادہ لاگت آئی اور یہ انتہائی قلیل مدت 187دنوں میں مکمل ہوا ،منصوبے میں 2فلائی اوور ،تین انڈر پاسز کے علاوہ شہریوں کے روڈ کراس کرنے کیلئے سٹیل کے 2پل بھی شامل ہیں ، منصوبے پر 3نومبر 2025کو کام شروع ہوا تھا ، محکمہ ہائی وے پنجاب راولپنڈی آفس حکام نے تصدیق کی کہ وزیراعلٰی پنجاب مریم نواز شریف معرکہ حق سکوائر کا افتتاح اتوار کو کرینگی ، جس کے بعد یہ معرکہ حق سکوائر ٹریفک کیلئے کھول دیا جائے گا،منصوبے پر کام مکمل ہو چکا ہے ، بعض پوائنٹس پر فٹ پاتھوں پر ٹف ٹائلز لگائی جا رہی ہیں تاہم ٹریفک کی روانی کیلئے پراجیکٹ پر کام مکمل ہو چکا ہے ، اسفالٹ کا بھی زیادہ تر کام مکمل ہو چکا ہے ۔