ایف بی آر، 19افسران کو کمیونٹی ویلفیئر اتاشی کے ٹیسٹ اور انٹرویو میں شرکت کیلئےNOCجاری

اسلام آباد (تنویر ہاشمی) ایف بی آر نے پاکستان کسٹم سروس کے 13اور ان لینڈریونیو سروس کے 6افسران کو بیرون ملک پاکستانی سفارتخانوں میں بطور کمیونٹی ویلفیئر اتاشی تعیناتی کےلیے ٹیسٹ اور انٹرویو میں شرکت کےلیے این او سی جاری کردیا ،یہ افسران وزارت اوورسیزپاکستانیز کے مطلوبہ معیار کو پور ا کرتے ہوئے بیرون ملک پاکستانی سفارتخانوں میں بطور کمیونٹی ویلفیئر اتاشی تعیناتی کےلیے ٹیسٹ اور انٹرویو میں شرکت کر سکتے ہیں ان میں ان لینڈریونیو سروس کے گریڈ 19کے افسر ایڈیشنل ڈائریکٹر ، ڈائر یکٹوریٹ آف انٹلی جنس و انوسٹی گیشن اسلام آباداختر عباس ، گریڈ 18کے افسران میں عبدالرحمن ، مہران خان ، عمران فلک شیر ، کامران حسین اور مس مہک منصور شامل ہیں ، جبکہ پاکستان کسٹم سروس کےگریڈ 19کے افسران میں مس خانسہ محمود چوہدری ، محمد رضوان ، گریڈ 18کے افسران میں علی توقیر ، مس حرا خان ، مس رابیل ،مس رہیسہ کنول ، مس ملیکہ احمد ، شہزاد علی ، مس فریحہ افضل ، مس اقصی ٰ عباسی ، نبیل سراج ، مس صدف رحمن خان اور محمدعثمان اشرف شامل ہیں۔