راولپنڈی؛34ہائوسنگ اسکیموں کے پلاٹ بیچنے کیلئے اسلام آ باد کا نام استعمال کرنے کا انکشاف

اسلام آباد( رانا غلام قادر) راولپنڈی ڈویژن کی حدود میں واقع 34ہائوسنگ اسکیموں کی جانب سے پلاٹ بیچنے کیلئے اسلام آ باد کا نام استعمال کرنے کا انکشاف ہوا ہے حا لا نکہ یہ سکیمیں اسلام آ باد (ICT) کی حدود میں واقع نہیں ہیں۔ڈی جی سپیشل پلاننگ اور ڈائریکٹر ماسٹر پلان کا ڈی جی مسابقتی کمیشن کو مراسلہ ارسال ،بیس ہا ئوسنگ پراجیکٹس کی فہرست  شامل  ،یہ انکشاف ڈی جی سپیشل پلاننگ اور ڈائریکٹر ماسٹر پلان کی جانب سے ڈی جی مسابقتی کمیشن آف پاکستان کے نام لکھے مراسلہ میں کیا گیا ۔ مراسلہ میں کہا گیا ہے کہ راولپنڈی ڈویژن کی حدود میں واقع 20ہائوسنگ سکیمیں مارکیٹنگ کیلئے یہ غلط تاثر دے رہی ہیں کہ وہ اسلام آ باد کی حدود میں واقع ہیں۔ انہوں نے بیس ہا ئوسنگ پراجیکٹس کی فہرست مراسلہ کے ساتھ ارسال کی ۔ ان ہا ئوسنگ سکیموں میں  کئی  اسکیمیں شامل ہیں۔مراسلہ میں واضح کیا گیا ہے کہ سیکٹر اے سترہ۔ بی سترہ ۔ سی سترہ۔ ای سترہ۔ ایف سترہ ۔ جی سترہ ۔ ایچ سترہ اور آئی سترہ کے جنوب مغرب میں کوئی سیکٹرنہیں ۔ اس تناظر میں مزید27ہا ئوسنگ سکیموں کے نام بھی تحریر کئے گئے ہیں جو اسلام آ باد کی حدود میں واقع نہیں ہیں۔ ان ہا ئوسنگ سکیموں میں بھی کئی  اسکیمیں  شامل ہیں۔