بانی پی ٹی آئی جیل میں تشددکےباعث ایک آنکھ کی بینائی کھو چکے ہیں،سلمان اکرم راجہ

اسلام آباد(ممتازعلوی)پاکستان تحریک انصاف کے سیکرٹری جنرل سلمان اکرم راجہ نے دعویٰ کیا ہے کہ پارٹی کے بانی عمران خان کو جیل میں تشدد کا نشانہ بنایا جا رہا ہے، جس کے نتیجے میں وہ اپنی ایک آنکھ کی بینائی کھو چکے ہیں،ملک میں انصاف کے تمام دروازے بند نظر آتےہیں ، اب پی ٹی آئی کے پاس سڑکوں پر نکلنے کے سوا کوئی راستہ باقی نہیں بچا۔ ان خیالات کا اظہار انہوں نے بدھ کو سپریمکورٹ کے باہر میڈیا سے گفتگو میں کیا۔ سلمان اکرم راجہ نے ملکی عدالتی نظام اور جیل مینوئل کی خلاف ورزیوں پر سخت تشویش کا اظہار کرتے ہوئے کہا کہ بانی پی ٹی آئی کو جیل میں1000 دن مکمل ہوچکےہیں، ملک میں آج انصاف کے تمام دروازے بند نظر آرہے ہیں، بشریٰ بی بی کیخلاف درج توشہ خانہ کیس سمیت تمام مقدمات صرف سرکاری گواہوں کے بیانات پرمبنی اورسراسر من گھڑت ہیں، انہوں نےمزید کہا کہ ہر قیدی کے کچھ بنیادی آئینی حقوق ہوتے ہیں، لیکن پاکستان میں ملاقاتوں اور وکالت ناموں پر دستخط کرنے تک پر پابندی ہے، بانی پی ٹی آئی کو جسمانی تشدد کا نشانہ بنایا گیا جس سے ان کی ایک آنکھ متاثر ہوئی ہے۔