ٹرمپ انتظامیہ کی یو اے ای کو ایران کے اہم جزیرے پر قبضے کی ترغیب

کراچی (نیوز ڈیسک) صدرٹرمپ انتظامیہ کی یو اے ای کو ایران کے اہم جزیرے پر قبضے کی ترغیب، واشنگٹن کا خلیجی ریاستوں کو ایران کے خلاف جنگ میں زیادہ کردار ادا کرنے کا مطالبہ کررہا ہے ۔ غیر ملکی میڈیا کے مطابق امریکی صدر ڈونلڈ ٹرمپ کی انتظامیہ کے بعض اعلیٰ حکام نے متحدہ عرب امارات کو ایران کے ساتھ جاری جنگ میں زیادہ فعال کردار ادا کرنے اور خلیج میں واقع تہران کے ایک اہم جزیرے پر قبضہ کرنے کی ترغیب دی ہے، جس کے تحت لوان جزیرے کو ہدف بنانے کی بات بھی سامنے آئی ہے، یہ وہ جزیرہ ہے جس پر مبینہ طور پر اپریل کے آغاز میں خفیہ فضائی حملوں کے دوران بمباری کی گئی تھی، امریکی حلقوں کا کہنا ہے کہ اگر یو اے ای زمینی کارروائی کرے تو امریکا براہ راست فوجی مداخلت کے بجائے بالواسطہ کردار تک محدود رہ سکتا ہے، اس پیش رفت کے ساتھ خطے میں امریکا، اسرائیل اور یو اے ای کے درمیان سیکیورٹی تعاون مزید مضبوط ہوتا دکھائی دے رہا ہے جبکہ ایران کے ساتھ کشیدگی میں اضافہ ہو رہا ہے۔