کیو آر کوڈ، مطلوبہ ڈیٹا اپ لوڈ نہ کرنیوالے بجلی صارفین کی سبسڈی ختم کر دی جائیگی

اسلام آباد (ناصر چشتی )ایک سے زائد سنگل فیز میٹرلگا کر بجلی بلوں میں سبسڈی حاصل کرنے والے صارفین کی مشکلات میں اضا فہ ، بجلی تقسیم کار کمپنیوں نے سبسڈی حاصل کرنے والے صارفین کے بلوں پر کیو آر کوڈ شائع کرنا شروع کر دیا ہے۔ اس کی مدد سے اضافی میٹرز رکھنے والے صارفین کا ڈیٹا اکٹھا کیا جائے گا تاکہ حقیقی مستحقین کی نشاندہی کی جا سکے۔تفصیلات کے مطابق ایک سے زائد میٹرز کے ذریعے پروٹیکٹڈ کیٹیگری کی سبسڈی لینے والوں کا مکمل ریکارڈ مرتب کیا جائے گا۔سبسڈی ختم ہونے پر صارفین کو نان پروٹیکٹڈ کیٹیگری ٹیرف کی بنیاد پر بلنگ کی جائیگی ۔ان پروٹیکٹڈ ٹیرف پر ہونیوالی بلنگ سے صارفین کے بلوں میں8 سے 10ہزار اضافہ ہوگا ،کمپنیوں نے بجلی کے بلوں پر ملنے والی سبسڈی کی رقوم بھی شائع کر دیں۔کام کے مطابق صرف مستحق پروٹیکٹڈ صارفین کو سبسڈی فراہم کی جائے گی جبکہ کیو آر کوڈ کے ذریعے مطلوبہ ڈیٹا اپ لوڈ نہ کرنے والے صارفین کی سبسڈی ختم کر دی جائے گی۔