لبنان کی خود مختاری کا احترام کیا جائے، پاکستان

اسلام آباد ( نامہ نگار خصوصی )پاکستان نے لبنان کی صورتحال پر تشویش کا اظہار کیا ہے، اقوام متحدہ میں پاکستان کے مستقل مندوب عاصم افتخار نے کہا کہ وہ کشیدگی میں خاتمے کی سفارتی کوششوں کے حامی ہیں، انہوں نے لبنان خود مختاری اور علاقائی سالمیت کے احترام ،فوری جنگ بندی اور اقوام متحدہ کی قرارداد پر مکمل عمل درامد کا مطالبہ کیا جس میں اسرائیل کی بلیو لائن تک مکمل واپسی بھی شامل ہے، لبنان کی صورتحال پر سلامتی کونسل کے ہنگامی اجلاس کے دوران انہوں نے مزید کہا کہ اسرائیل اور لبنان کے درمیان جنگ بندی کے انتظامات اور براہ راست بات چیت کے باوجود لبنان میں سیکورٹی اور انسانی صورتحال انتہائی تیزی سے بگڑ رہی ہے جس کے ساتھ اسرائیلی فوجی کاروائیوں اور لبنانی حدود میں زمینی در اندازی میں بھی وسعت آئی ہے۔