KP امن و امان، فنڈز کی کمی اورلوڈشیڈنگ بڑے مسائل، شہرام ترکئی

کراچی (ٹی وی رپورٹ) رکن قومی اسمبلی تحریک انصاف شہرام ترکئی نے کہا کہ خیبرپختونخوا میں امن و امان، فنڈز کی کمی، فاٹا انضمام کے وقت کئے گئے وعدوں کی عدم تکمیل اور طویل لوڈشیڈنگ کو صوبے کے بڑے مسائل قرار دیا جبکہ وفاقی وزیر برائے پارلیمانی اُمور ڈاکٹر طارق فضل چوہدری نے مؤقف اختیار کیا کہ بجلی کے اداروں میں خالی آسامیوں کی وجہ نجکاری کا منصوبہ ہے۔انہوں نےکہا کہ سندھ طاس معاہدہ یکطرفہ طور پر ختم نہیں کیا جا سکتا اور پاکستان کے دریاؤں کا پانی روکنا یا رخ موڑنا جنگی اقدام تصور ہوگا۔دونوں مہمان جیو نیوز کے پروگرام ’کیپٹل ٹاک‘ میں گفتگو کر رہے تھے۔ تفصیلا ت کے مطابق میزبان حامد میر نے پروگرام کے آغاز میں کہا کہ گلگت بلتستان میں الیکشن کے دوران حکومتی جماعتیں ایک دوسرے کے آمنے سامنے کھڑی نظر آرہی ہیں۔