اڈیالہ جیل میں عمران خان اور بشریٰ بی بی کی ملاقات

راولپنڈی (حافظ وسیم اختر/ نمائندہ جنگ) اڈیالہ جیل میں عمران خان سے ان کی اہلیہ بشریٰ بی بی کی ملاقات کروادی گئی ،بانی پی ٹی آئی سے ان کی بہنوں سمیت کسی دیگر شخص کو ملنے کی اجازت نہیں دی گئی ،ملاقات کی اجازت نہ ملنے پر بانی کی بہنوں ،وزیراعلیٰ KP نے ارکان اسمبلی اور کابینہ کے چند وزراء کے ہمراہ دھرنا دیدیا، جیل ذرائع کے مطابق منگل کو سینٹرل جیل راولپنڈی میں بانی پاکستان تحریک انصاف اور ان کی اہلیہ کی ملاقات جیل کے کانفرنس روم میں کروائی گئی جوتقریباً پون گھنٹے تک جاری رہی ،اس دوران دونوں میاں بیوی نے ایک دوسرے کی خیریت دریافت کی ،صحت ،مقدمات کی اپیلوں سمیت دیگر امورپر تبادلہ خیال کیا۔