سپریم جوڈیشل کونسل ،سابق چیف جسٹس کو ہٹانے کیلئےدائر شکایت کو مسترد کر دیا

اسلام آباد(جنگ رپورٹر)سپریم جوڈیشل کونسل نے سابق چیف جسٹس ،قاضی فائز عیسیٰ کو ہٹانے کے لیے دائر کی گئی شکایت کو مسترد کر دیا ہے،یہ شکایت بیرسٹر علی طاہر کی جانب سے دائر کی گئی تھی، جس میں سابق چیف جسٹس فائز عیسی پر عوامی اہمیت کے انتہائی حساس معاملات کے حوالے سے متعدد سنگین الزامات عائد کیے گئے تھے،شکایت کنندہ نے الزام لگایا تھا کہ جسٹس فائز عیسیٰ نے انتخابی عمل میں مبینہ ہیرا پھیری یا "مینڈیٹ کی چوری" میں کردار ادا کیا ہے ، آئین کے برعکس مبینہ طریقوں سے آئینی بینچز اور وفاقی آئینی عدالت کے قیام کی کوششوں میں سہولت کاری کی یا خود حصہ لیاہے ،ان کا رویہ وکلاء اور سائلین کے ساتھ غیر مناسب تھا۔