امریکا کا یورپ میں جوہری صلاحیت کی فوجی تعیناتی بڑھانے پر غور

کراچی (نیوز ڈیسک) امریکا کایورپ میں جوہری صلاحیت کی فوجی تعیناتی بڑھانے پر غور، نیٹو کے ساتھ اسٹریٹجک دفاعی بات چیت،یورپ میں روسی خطرے کے تناظر میں دفاعی منصوبہ بندی کی جارہی ہے۔برطانوی اخبار فنانشل ٹائمز کی رپورٹ کے مطابق امریکی حکام یورپ میں جوہری صلاحیت رکھنے والی فوجی تعیناتیوں کو وسعت دینے کے حوالے سے مذاکرات کر رہے ہیں۔ یہ بات چیت ایسے وقت میں ہو رہی ہے جب یورپ میں سکیورٹی خدشات اور روس کے ساتھ کشیدگی کے باعث دفاعی حکمت عملی پر دوبارہ غور کیا جا رہا ہے۔ امریکا اور نیٹو اتحادی اس بات کا جائزہ لے رہے ہیں کہ خطے میں دفاعی توازن برقرار رکھنے کے لیے موجودہ جوہری ڈھانچے میں کس حد تک توسیع کی جا سکتی ہے۔ اس پیش رفت کو عالمی سطح پر اہم اسٹریٹجک تبدیلی کے طور پر دیکھا جا رہا ہے، جس کے یورپی سکیورٹی ماحول پر گہرے اثرات مرتب ہو سکتے ہیں۔