ٹرمپ نے اسرائیلی وزیر اعظم کو پاگل اور ناشکرا قرار دے دیا

کراچی (نیوز ڈیسک)صدر ٹرمپ نے اسرائیلی وزیر اعظم نیتن یاہو کو پاگل اور ناشکرا قرار دے دیا۔ امریکی صدر کی لبنان کشیدگی پر نیتن یاہو سے سخت گفتگو ،فون کال میں تلخ جملوں کا استعمال، اختلافات مزید نمایاں، صدٹرمپ سے فون کال کے بعد نیتن یاہو کو سخت ردعمل کا سامنا،امریکی پالیسی پر اسرائیلی قیادت میں شدیدبے چینی پائی جاتی ہے۔ امریکی میڈیا کے مطابق امریکی صدر ڈونلڈ ٹرمپ نے اسرائیلی وزیر اعظم بنیامین نیتن یاہو سے ایک فون کال کے دوران لبنان میں اسرائیلی فوجی کارروائیوں پر سخت برہمی کا اظہار کیا اور مبینہ طور پر انہیں پاگل اور ناشکرا قرار دیا۔ رپورٹ میں کہا گیا ہے کہ یہ گفتگو پیر کے روز ہوئی جس میں امریکی حکومتی ذرائع کے مطابق ٹرمپ نے بیروت پر ممکنہ حملے کے اسرائیلی منصوبے پر بھی اعتراض کیا اور اسے روکنے کی کوشش کی۔ ذرائع کے مطابق یہ صورتحال اس وقت مزید حساس ہو گئی جب ایران نے لبنان میں اسرائیلی کارروائیوں کے باعث امریکا کے ساتھ مذاکرات سے دستبردار ہونے کی دھمکی دی، جس سے خطے میں سفارتی کشیدگی مزید بڑھ گئی۔دوسری جانب فنانشل ٹائمز کے مطابق صدر ٹرمپ سے فون کال کے بعد نیتن یاہو کو شدید ردعمل کا سامناہے، غزہ اور خطے کی صورتحال پر اختلافات مزید نمایاں ہوگئے۔