پروپیگنڈے کا جواب کارکردگی سے، پنجاب خوشحالی کی راہ پر گامزن،عظمیٰ بخاری

لاہور (جنرل رپورٹر )وزیر اطلاعات و ثقافت پنجاب عظمیٰ بخاری نے کہا ہے کہ مریم نواز مخالفین کے جھوٹ، منفی پروپیگنڈے اور بے بنیاد الزامات کا جواب صرف اپنی کارکردگی، شفاف طرزِ حکمرانی اور عوامی خدمت سے دے رہی ہیں۔پنجاب اس وقت ترقی اور خوشحالی کی راہ پر گامزن ہے۔عظمیٰ بخاری نے اپنے بیان میں کہا کہ ʼʼاپنا کھیت اپنا روزگارʼʼسکیم کے تحت 30 ہزار خاندانوں کو زمین کی ملکیت فراہم کی جا رہی ہے جبکہ ʼʼاپنی چھت اپنا گھرʼʼپروگرام کے ذریعے ایک لاکھ 80ہزار سے زائد افراد اپنے گھر کی چھت کے مالک بن چکے ہیں۔ پنجاب بھر میں 9لاکھ کسان کارڈز، 30ہزار گرین ٹریکٹرز تقسیم کیے جا چکے ہیں جبکہ 5ہزار کسانوں کو سپر سیڈر مشینیں اور 8ہزار ٹیوب ویلز کی سولرائزیشن کی سہولت فراہم کی گئی ہے۔ دریں اثنا وزیر اطلاعات و ثقافت پنجاب عظمیٰ بخاری نے نامور کامیڈین اور اداکار اللہ رکھا پیپسی کے انتقال پر گہرے دکھ اور افسوس کا اظہار کیا ہے۔