ٹرمپ کا ترکیہ کو F-35 طیاروں تک دوبارہ رسائی دینے کا عندیہ

کراچی (نیوز ڈیسک) اسرائیلی دباؤ کے باوجود ٹرمپ کا ترکی کو F-35 طیاروں تک دوبارہ رسائی دینے کا عندیہ، پیش رفت اہم پالیسی تبدیلیصدر ٹرمپ نے خود ہی ترکیہ پر ان جدید اسٹیلتھ لڑاکا طیاروں کی فراہمی پر پابندی عائد کی تھی۔ نیتن یاہو کا کہنا ہے اردوان حکومت اسرائیل کیخلاف سخت مؤقف رکھتی ہے، ان جدید طیاروں کی فراہمی سے طاقت کا توازن متاثر ہو سکتا ہے۔ امریکی میڈیا کے مطابق اسرائیلی دباؤ کے باوجود ٹرمپ کا ترکی کو F-35 طیاروں تک دوبارہ رسائی دینے کا عندیہ، توقع کی جا رہی ہے کہ صدر ٹرمپ نیٹو کے اجلاس کے لیے انقرہ دورے کے دوران ترکی کو F-35 طیاروں تک دوبارہ رسائی بحال کرنے کی آمادگی ظاہر کریں گے۔ یہ پیش رفت ایک اہم پالیسی تبدیلی سمجھی جا رہی ہے، کیونکہ صدر ٹرمپ نے خود ہی اس سے قبل ترکی پر ان جدید اسٹیلتھ لڑاکا طیاروں کی فراہمی پر پابندی عائد کی تھی۔