نیویارک ،سفارتی پوسٹنگ، تبدیلی اور توسیع کیلئےافسران کی بھاگ دوڑ

نیویارک(عظیم ایم میاں) سفارتی پوسٹنگ، تبدیلی اور توسیع کیلئےافسران کی بھاگ دوڑ۔ غیر ممالک میں پاکستان کے سفارت خانوں میں تبادلے، تقرریوں اور پوسٹنگ کےلئے وزیر اعظم کی منظوری کیلئے سمری کی تیاری کی اطلاعات نے بیرون ملک متعین سفارتی اہلکاروں میں ہلچل پیدا کر رکھی ہے۔ پاکستان کے سفیر برائے اقوام متحدہ عاصم افتخار اس سال 26 نومبر کو ریٹائر ہورہے ہیں البتہ انہیں وزیر خارجہ اسحاق ڈار کی حمایت سے مزید توسیع ملنے کا امکان بھی موجود ہےجبکہ نیویارک میں متعین قونصل جنرل اپنی پوسٹنگ کی میعاد پوری کرکے مزید توسیع کےلئے چھٹی لیکر اسلام آباد میں اپنی کوششوں میں مصروف ہیں ان کی اہلیہ بھی وزارت اطلاعات کی جانب سے کینیڈا کے پاکستانی سفارتخانہ میں اپنی پوسٹنگ کی میعاد پوری کر چکی ہیں، ذرائع کا کہنا ہے کہ موجودہ سفیر پاکستان رضوان شیخ کا نام بطور سکریٹری امور خارجہ زیر غور ہے جبکہ موجودہ سیکرٹری خارجہ امور آمنہ بلوچ بھی اپنی ریٹائرمنٹ کے بعد واشنگٹن میں سفیر کے عہدے کی خواہشمند بتائی جاتی ہیں۔