اسلام آباد گروپ کیپٹن عاصم طارق فوجی اعزاز کے ساتھ سپرد خاک

اسلام آباد ( فاروق اقدس)وفاقی دارالحکومت اسلام اباد میں خاتون کو تحفظ فراہم کرنے کی کوشش کے دوران جام شہادت نوش کرنے والے پاک فضائیہ کے گروپ کیپٹن عاصم طارق شہید کی نماز جنازہ ادا کر دی گئی جس کے بعد شہید افسر کو مکمل فوجی اعزاز کے ساتھ سپرد خاک کر دیا گیا ہے پاک فوج کے شعبہ تعلقات عامہ ائی ایس پی ار کے مطابق پاک فضائیہ کے سربراہ ایئر چیف مارشل ظہیر احمد بابر سدھو سینیئر افسران پاک فضائیہ کے اہلکاروں اور سول سوسائٹی کے افراد کی بڑی تعداد نے گروپ کیپٹن عاصم طارق شہید کی نماز جنازہ میں شرکت کی اور بہادر افسر کو خراج عقیدت پیش کیا ائی ایس پی ار کے مطابق ایئر چیف مارشل نے گروپ کیپٹن عاصم طارق شہید کو خراج عقیدت پیش کرتے ہوئے کہا کہ یہ قربانی پاکستان ایئر فورس اور پاکستان کی مسلح افواج کی بہترین روایات کی عکاس ہے ہے ظہیر احمد بابر سندھو نے کہا کہ ایک بے گناہ شہری کی حفاظت کرتے ہوئے اپنی جان کا نظرانہ پیش کر کے شہید افسر نے ثابت کر دیا کہ پاکستان ایئر فورس کے مرد اور خواتین نہ صرف ملک کی سرحدوں کے تحفظ کے لیے بلکہ اپنے ہم وطنوں کی جان وقار اور عزت و ناموس کی حفاظت کے عزم پر بھی بروقت ثابت قدم رہتے ہیں یاد رہے کہ پاک فضائیہ کے گروپ کیپٹن عاصم طارق دو روز قبل اسلام اباد میں ایک خاتون کو اغوا کرنے کی کوشش کو ناکام بنانے کے دوران ملزم کی فائرنگ سے شہید ہو گئے تھے بعد ازاں ان پر فائرنگ کرنے والے ملزم کو پولیس نے گرفتار کر لیا تھا جس کی شناخت سعد عباسی کے نام سے ہوئی تھی جو پولیس کے مطابق خاتون کے ساتھ ایک ہی دفتر میں کام کرتا تھا۔