پاکستانی کارگو کمپنی کا 27 سال پرانا طیارہ اورماڑا کے قریب سمندر میں لاپتا

کراچی( افضل ندیم ڈوگر) شارجہ سے کراچی آتے ہوئے پاکستانی کارگو کمپنی کا بوئنگ 737 طیارہ اورماڑا کے قریب سمندر پر پرواز کے دوران لاپتا ہوگیا۔شارجہ سے کراچی آرہا تھا 35 ہزار فٹ کی بلندی پر غیرمعمولی حالات کا شکار، 5 منٹ میں نیچے آکر لاپتا ہوا۔طیارے میں 5 رکنی عملہ سوار تھا۔ پاک بحریہ کی ٹیموں نے رسکیو کا کام شروع کردیا ہے۔ اے ٹی آر طیارہ لاپتہ جہاز کی تلاش میں تربت سے روانہ ہوا۔ فلائٹ راڈار کے مطابق طیارہ رات نو بج کر 17 منٹ پر 35 ہزار فٹ کی معمول کی پرواز پر 790 کلومیٹر فی گھنٹہ کی رفتار سے منزل کی طرف ا رہا تھا کہ اچانک غیرمعمولی حالات کا شکار ہوا۔ پرواز کے ٹی اے 1732 کے طور پر شارجہ سے اڑان بھرنے والے طیارے نے اچانک یوٹرن لیا اور پھر 5 منٹ کے دوران 34 ہزار فٹ نیچے آ کر 1100 فٹ کی بلندی اور 211 کلومیٹر فی گھنٹہ کی رفتار سے ریڈار سے غائب ہوگیا۔ کے ٹو ایر ویز کا طیارہ 27 سال پرانا تھا۔ پاکستانی حکام کے مطابق طیارے کی تلاش شروع کر دی گئی ہے اس سلسلے میں پاکستان نیوی اور دیگر اداروں سے بھی مدد طلب کی گئی ہے۔ حکام کے مطابق روٹ G216 پر کراچی سے 150 میل جنوب میں طیارے نے نیوی گیشن کے مسئلے کی اطلاع دی اور ہیڈنگ کی درخواست کی۔ ہوائی جہاز کو موجودہ سمت برقرار رکھنے کی ہدایت کی گئی۔ ایک ہی وقت میں، ہوائی جہاز کو دائیں مڑتے ہوئے اور اونچائی کھوتے ہوئے دیکھا گیا۔ وہ کام کے مطابق طیارے کو کئی کالیں کی گئیں لیکن کوئی جواب موصول نہیں ہوا۔ پاکستانی وقت 921 بجے پوزیشن کراچی سے 155 میل مغرب میں طیارہ ریڈار سے غائب ہوگیا۔ترجمان کا بیان پاکستان ائیر پورٹ اتھارٹی نے نجی کمپنی کے طیارہ حادثے کی تصدیق کی ہے۔ ترجمان کے مطابق کارگو طیارے نے پرواز کے دوران نیوی گیشن سسٹم میں خرابی کی اطلاع دی، ترجمان پی اے اے کے مطابق کراچی اے سی سی نے طیارے کو فوری رہنمائی فراہم کی۔ طیارہ اچانک تیزی سے نیچے آیا اور سمت بھی تبدیل کی کراچی سے تقریباً 155 ناٹیکل میل مغرب میں طیارہ ریڈار سے غائب اور مواصلاتی رابطہ بیک وقت منقطع ہوا۔