عمران خان اور ان کی اہلیہ بشریٰ بی بی کی ملاقات کروا دی گئی

راولپنڈی (حافظ وسیم اختر سٹاف رپورٹر) اڈیالہ جیل میں عمران خان اور ان کی اہلیہ بشریٰ بی بی کی ملاقات کروا دی گئی ، جیل انتظامیہ کی جانب سے بشریٰ بی بی کے اہل خانہ کو بھی ملاقات کی خصوصی اجازت مل گئی۔جیل ذرائع کے مطابق، بانی پی ٹی آئی اور بشریٰ بی بی کے درمیان یہ ملاقات اڈیالہ جیل کے کانفرنس روم میں کروائی گئی جو کم وبیش آدھے گھنٹے تک جاری رہی۔ ملاقات کے دوران دونوں میاں بیوی نے ایک دوسرے کی خیریت دریافت کی او ر اہم قانونی معاملات پر تفصیلی گفتگو کی،ذرائع کا کہنا ہے کہ بانی پی ٹی آئی سے ملاقات سے قبل بشریٰ بی بی کی ان کے فیملی ممبران سے ملاقات کروائی گئی، جیل انتظامیہ سے باقاعدہ اجازت ملنے کے بعد بشریٰ بی بی سے ملاقات کے لیے ان کی بھابی مہر النسا اور بیٹی مبشریٰ شیخ اڈیالہ جیل پہنچیں،کانفرنس روم میں ہونے والی ملاقات میں بشریٰ بی بی کی صحت اور دیگر خاندانی امور پر بات چیت کی گئی۔